雀屎 花粉 雨水 車身留痕大陷阱
2011年08月21日
根據正常邏輯，大熱天時將車泊喺戶外，你會揀邊度？無遮無擋嘅車位還是樹蔭底？我諗絕大多數人答案都是後者，雖然車廂不易變焗爐，但你已踩入污迹陷阱，樹蔭下空降的殘花雀屎，隨時成為車身頑固污痕的元凶，要打蠟將迹清走呢！
記者：趙慧敏
攝影：楊錦文
Model： Hailey@GME
雀屎花粉雨水 車身留痕大陷阱
頑固三污迹
喺攝氏三十幾度的炎夏，每次去到戶外空曠停車場，樹蔭下必然成為搶手位，雖然樹底陰陰凉凉夠疏肝，不過暗藏陷阱，原來車身不少頑固污迹，就是多得樹蔭所帶挈，今次就同大家講幾種頑固污迹嘅來源。
雀屎
天氣咁熱，唔止人覺得難受，雀仔都一樣，好自然匿埋喺樹蔭唞唞暑，所以天降雀屎唔出奇，最慘係雀屎降落在車身上，經太陽曬一曬，會變得又乾又硬，仲會侵蝕車身漆面，到發現為時已晚，如果夾硬抹走，隨時刮花車面，到時真係肉都赤埋。
清理方法：
清理雀屎最好用濕布印在雀屎面，令雀屎變軟後才抹走，再用起迹水清理，不過記謹清理雀屎最重要夠快，如果懶人一族諗住等一兩日後至慢慢搞，就算雀屎抹走咗，污迹都蝕到漆面，到時就水洗都唔清，要打蠟至搞得掂。
花蕊花粉
樹蔭下難免有些殘花敗柳掉下，不過唔好以為好靚，因為不少花朵上的花蕊甚至微細花粉都是污迹元凶，尤其是花粉，可以因為太微細不易發覺，一旦變成頑固污迹後，會令車身表面凹凸不平，影響光滑感。
清理方法：
清理花蕊及花粉更加要小心，尤其花粉細細粒，清理時隨時睇漏眼，所以抹車身前，最好先用水槍將車身徹底冲噴清潔。
雨水
日曬雨淋都係汽車的最大敵人，唔少人見夏天乍晴乍雨，以為落雨就當洗車就大錯特錯！其實雨水帶有酸性，腐蝕車身漆面，一樣是車漆大敵，所以以後記住用清水清理，冲走雨水。
頑固污迹 打蠟救亡
見到架車因為污迹弄至一笪笪，真係唔多開心，其實護理座駕就好似女人做護膚一樣，都係唔可以偷懶，如果真係抹唔甩車身的污迹，惟有搵專業汽車美容公司幫吓手。 NTI快速汽車護理負責人 Pat姐話：「如果車主為座駕做咗層靚的打蠟漆面，除提高車身光澤外，亦好似有層保護膜咁，乜嘢污迹都易清理，無咁易留下污迹。」 NTI快速汽車護理推出的 OG高溫四重水晶蠟，就係為車主踢走日曬雨淋造成嘅污迹外，更幫你打番層保護膜防 UV，務求令座駕百毒不侵。
變靚啲四部曲
四重水晶蠟套餐 優惠價$1,200
NTI為《蘋果日報》讀者推出夏日大優惠，只要拎住今日份報紙到 NTI各分店，只需$1,200就可享用原價$3,550的 OG高溫四重水晶蠟套餐，包括 OG高溫四重水晶打蠟一次、夏日車身漆面防高溫、抗 UV、超晶亮、電腦洗車、車身專用 OG清潔泡泡、水蠟、車廂空氣淨化、 OG皮革護理等合共 10項服務，只限私家車款，記住要先打電話預約！
條款及細則：
•優惠有效期至 2011年 9月 4日。
•優惠不可兌換現金，不可更換其他產品。
•如有任何爭議， NTI保留最終決定權，《蘋果日報》概不負責。
•預約及查詢：
（ NTI快速汽車護理）
No comments:
Post a Comment